Bloga

Datorren irailaren 17an, 18:00etan, Arrasateko Kulturaten egingo da «Patologia dualaz haratago. Pertsonengan, haien prozesuetan eta familiengan oinarritutako ikuspegi integrala» izeneko hitzaldia.

Saioan parte hartuko dute Izan Fundazioko Koldobika Gomez Azkarragak terapeutak, eta María del Koro Boo Garcíak, Asepadualeko hezitzaileak.

Hitzaldiaren helburua patologia dualera ikuspegi integral batetik hurbiltzea da, arreta diagnostikoetan bakarrik jarri beharrean, pertsonengan, haien istorioetan, prozesuetan eta familia-ingurunean jarriz.

Patologia dualaz hitz egiteak esan nahi du adikzio-arazoak eta osasun mentaleko arazoak aldi berean agertzen diren egoerei heltzea. Bi errealitate horiek arreta koordinatua eta pertsona bakoitzaren egoera modu zabalean ulertzea eskatzen dute. Jardunaldiak aukera emango du prozesu horietan aurreiritzirik gabeko ikuspegitik eta pertsona bakoitzaren beharretan oinarrituta laguntzearen garrantziaz hausnartzeko.

Jarduera Asepadualek antolatu du, Arrasateko Udalaren eta Izan Fundazioaren laguntzarekin.