Estoniatik Norberara
Estoniako Lääne-Nigula udalerri txikiko gizarte-langile talde baten bisita jaso dugu Izan Fundazioan, gure lana eta garatzen ditugun programak bertatik bertara ezagutzeko asmoz.
Bigarren urtez jarraian etorri dira gurera, Hezkide Eskolaren bidez sortutako harremanari esker, Europar Batasunak finantzatutako truke-programa baten esparruan.
Topaketa honek esperientziak partekatzeko, gizarte-esku-hartzerako modu desberdinak ezagutzeko eta beste errealitate kultural batzuetara hurbiltzeko aukera eskaintzen digu. Estoniak 1,3 milioi biztanle inguru ditu, eta bertako testuinguru soziala eta kulturala gurearekiko desberdina da. Horrek bereziki aberasgarria egiten du esperientzien trukea.
Beren udalerrian gizarte-arretarako hainbat baliabide dituzten arren, bisitan etorritako profesionalek gure programen espezializazioa eta esku-hartze eredua nabarmendu dituzte, eta oso positiboki baloratu dute egiten dugun lana.
Esperientzia aberasgarria izan da, elkarrengandik ikasteko, ezagutzak partekatzeko eta gizarte-esku-hartzearen inguruko gure ikuspegia zabaltzen jarraitzeko aukera eman diguna.