Dena prest Gizakia Helburu-ren 40. Urteurreneko Jardunaldirako
Ostiral honetan Maiatzaren 30ean, Hernaniko Orona Ideoko Auditorioak ekitaldi berezi bat hartuko du: Gizakia Helburu – Proyecto Hombre Gipuzkoa programaren 40. urteurrenaren ospakizuna. “Arreta integrala, adikzioetatik haratago” lelopean, eremu juridiko, kliniko eta psikosozialeko aditu nabarmenek bat egingo dute arreta integralaren etorkizunaz eta erronka berriez hausnartzeko.
Jardunaldia elkargune eta gogoeta-gune gisa aurkezten da, hainbat alor jorratzeko: justizia terapeutikoa, jatorrizko familiaren garrantzia tratamendu-prozesuetan, osasun-arreta integratua edo jokaerarekiko adikzioen gorakada soziala. Hitzaldi nagusiak izango dira, besteak beste: Iñaki Subijana (EAEko Auzitegi Nagusiko presidentea), Carmen Casas (psikologo klinikoa eta familia-terapeuta), Xabier Lertxundi (Osakidetza) eta Lorena Pidal (jokaera-adikzioen espezialista).
Jardunaldiak eduki teknikoaz gain, lau hamarkadako ibilbidea ospatzeko aukera ere eskainiko du, gure elkartea Izan Fundazioa buru izanik. Urte hauetan guztietan ehunka profesional, boluntario, erabiltzaile eta familia eta instituzio izan dira bidea elkarrekin egin dutenak.
Gure ustez “40. urteurren hau helmuga bat baino gehiago da: abiapuntu berri bat ere bada, arreta integrala eta inklusiboa eskainiko duen etorkizun baterantz.”
Izena emateko epea zabalik dago oraindik proyectohombregipuzkoa.org webgunean, eta parte-hartze handia espero dugu gizarte eta osasun arloko profesionalen artean.