Espazio seguruak sustatzen ditugu
III. Berdintasun Planaren baitan, Izan Fundazioak Espazio Seguruen Vademecuma prestatu du, langileen ongizatea eta talde-lanaren kalitatea hobetzea helburu duen tresna praktikoa.
Baina… zer da zehazki hori?
Vademecum hitza latinetik dator (vade: “joan” + mecum: “nirekin”), eta egunerokoan laguntzen duen gida bati egiten dio erreferentzia. Kasu honetan, lan-ingurune osasuntsuagoak eta errespetuzkoagoak ulertzen eta eraikitzen laguntzen duen dokumentua da.
Espazio seguru bat pertsonak eroso sentitzen diren ingurunea da, iritzia emateko, parte hartzeko eta ideiak partekatzeko aukera dutena, epairik edo etiketarik gabe. Errespetua, entzutea eta elkar zaintza sustatzen diren espazioak dira.
Vademecumak modu oso grafikoan jasotzen ditu espazio horiek sortzeko beharrezkoak diren “osagaiak”: errespetua, zaintza, konfidantza, enpatia, berdintasuna, komunikazio asertiboa, aitortza.
Osagai horiek eguneroko hainbat unetan agertzen dira: bileretan, elkarrizketa informaletan, talde-lanean edo komunikazio digitalean ere.
Helburua argia da: lan-giroa hobetzea, profesionalen arteko konfiantza indartzea eta erabiltzaileei eskaintzen zaien arreta hobetzea.
Ekimen honen bidez, Izan Fundazioak bere konpromisoa berresten du berdintasunarekin, profesionalen ongizatearekin eta gizarte-arretan etengabeko hobekuntzarekin.